Røde Kors med sjekkar og demonstrasjon av skredutstyr. Frå venstre: Kristin Riise, Børulf Lefdal, Tormod Eldholm, Kjetil Halse og Einar Holsvik.

Gjensidigestiftelsen støttar Røde Kors gjennom å gi pengar til viktig utstyr

Snart 400.000 kroner frå Gjensidige til Røde Kors i Ørsta og Volda. Pengane går til skredutstyr, snøskuter og hjertestartar.

Skrevet av: Ragnhild Vatne Bø, 02.02.2012

Det var ein stolt gjeng med Røde Kors medlemmer som møtte opp til Gjensidigestiftelsen si markering i Ålesund i går.

Airbag som skredutstyr

Børulf Lefdal og Kristin Riise frå Ørsta Røde Kors var på plass for å ta imot sjekken på 254.000 kroner. Dei hadde med seg utstyret, for å vise forsamlinga kva pengane går til. Overraskinga var stor når Børulf trakk i snora på sekken, og ein stor airbag plutselig omkransa hovudet.

- Dette vert no ein del av det standard skredutstyr for alle i skredgruppa, fortalte Børulf. Den gjer at sjansen for å overleve eit snøskred er større, og i tillegg til denne, inneheld sekken, spade, søkestang, Jerven-duk og sendar-mottakar utstyr.

Dette utstyret er med å auke tryggleiken til Røde Kors medlemmane i skredgruppa, men det betyr ikkje at fokuset på tryggleik er noko mindre enn tidligare.

Snøskuter og hjertestartar

Tormod Eldholm frå Volda Røde Kors var på plass for å ta imot sjekken på totalt 130.000 kroner. Her er det innkjøp av ny snøskuter og hjertestartar det var søkt om.
- Det er viktig å ha utstyr vi kan stole og at vi har det lett tilgjengelig, fortel Tormod.

Det har vore fleire aksjoner i området etter nyttår, og det er viktig å ha godt utstyr og godt utdanna medlemmer for å gjere ein god jobb.

Volda Røde Kors har no over 50 godkjente hjelpekorpsmedlemmar, som har gått gjennom omfattande kursing og bestått både teoretisk og praktisk prøve for å vere med.

Hjertestarter til Tingvoll Røde Kors 

Også Tingvoll Røde Kors hadde fått tilslag på sin søknad om hjertestartar, men kunne dessverre ikkje vere tilstades under tildelinga.

Aktuelt og nyheter