Jan Peder Hoggen, skredansvarlig for Møre og Romsdal Røde Kors. (Foto: Ingvild Velsvik)

Stor skredfare på Sunnmøre

- Gå gjerne på tur, men ta hensyn til skredfaren, seier Jan Peder Hoggen i Røde Kors.

Skrevet av: Ragnhild Vatne Bø, 13.01.2012

Det gjekk heldigvis bra med dei to personane som vart tekne av ras i skianlegget på Bondalseidet i Ørsta igår. Begge kom seg ut av skredet, den eine uskadd, og den andre med lettare skader.

Stor snøskredfare

- Det at det gjekk skred igår kveld, fortel oss at det er rasfare ute no, seier Jan Peder Hoggen, skredansvarleg i Møre og Romsdal Røde Kors. 
- Kombinasjonen av nedbør og sterk vind gjer at det no er stor skredfare i Ørsta/Volda området.

- Gå på tur, men ta hensyn til skredfaren

Jan Peder Hoggen er opptatt av at folk nyttar den flotte naturen på Sunnmøre, og kjem seg ut på tur. Det er bra meldt betre ver til helga, og mange vil nok ta fram skia og gå på tur. Jan Peder Hoggen anbefaler at folk tek seg ein skitur, men at dei styrer unna dei brattaste skråningane.
 - Hald deg unna skråningar som er 30 grader eller brattare, fortel han.

Lokale variasjonar i skredfaren

Jan Peder Hoggen gjer merksam på at slik veret er no, kan det vere store lokale variasjonar på skredfaren. Skalaen som antyder skredfare går frå 1 - 5, og han seier at i Ørsta/Volda området ligg den no mellom 3 - 4. Medan det i indre strøk, i Stryn, er meldt om meget stor snøskredfare, altså heilt opp på 5 på skredskalaen.

Sjekk vermeldinga og ver forsiktig

Sidan det er store lokale variasjonar på skredfaren, er det viktig at den enkelte sjekkar vermelding og vurderer kvar dei går på fjellet no. Sunn fornuft og det å vere forsiktig er viktige stikkord. Er ein usikker, så snur ein og tek ei sikker rute. Er ein ukjent i området, så snakk med lokale folk som er kjenner til fjella du vurderer å gå på. Fjellvettreglane gjeld heile vinteren, ikkje berre i påska!

Siste nytt fra Røde Kors