Inkludering og fleirkultur

Vi jobbar for at busette migrantar opplever inkludering i lokalsamfunnet.

I møte med ein ny kvardag i eit nytt land har migrantar behov for informasjon, nettverk, språktrening og innsikt i den lokale kulturen.

I Røde Kors jobbar vi for å inkludere asylsøkarar, flyktningar og arbeidsinnvandrarar i sine nye lokalmiljø. Fellesskap med "vanlege folk" i lokalmiljøet, gjev ein kjensle av å høyre til, det skaper tryggleik.

Aktivitetar

Tilboda varierer frå kommune til kommune, avhengig av lokale behov. Frivillige i Røde Kors driv både ein til ein-aktivitet og gruppe-aktivitetar. Sjå aktivitetane nedanfor!

Møteplassar

Ein fast stad å møte opp, der du er garantert å kunne slå av ein prat på tvers av kulturar og språk, kjenneteiknar våre internasjonale møteplassar. Her møtest innflyttarar og innfødte til ein matbit, samtaler, spel eller andre sosiale aktivitetar.

Til topps

Til topps er eit arrangement der målet er å bli integrert gjennom å oppleve meistring på tur i norsk natur. Årets tur er til Raudmelen i Balestrand. Les meir om aktiviteten her!

Lokale familiedagar

Barn hoppar tau

Lokale familiedagar er integreringsarrangement der fleirkulturelle barn og barnefamiliar har det kjekt saman med andre i lokalsamfunna sine. Les meir om det her!

Flyktningguide

Trine er flyktningguide for Sega
Trine er flyktningguide for Sega. Foto: Naghmeh Gorgin/Røde Kors

Ein flyktningguide er ein vegvisar inn i det norske samfunnet. Det handlar om språk, kultur, lokalsamfunnet og sjølve livet i Norge. Ein frivillig flyktningguide i Røde Kors vert kopla med ein flyktning, og møtest fast for samtaler eller aktivitet. For tida er det Lærdal Røde Kors som har dette tilbodet i Sogn og Fjordane. Les meir om aktiviteten her

Svømmetrening for innvandrarkvinner

Symjeopplæring i basseng
Sogndal Røde Kors Omsorg arrangerer symjeopplæring for innvandrarkvinner. Foto: Sigrid Nese Thue/Sogn Avis.

Sogndal Røde Kors Omsorg arrangerer svømmegruppe for kvinner 10 gonger i året. Deltakarane er flyktningar/migrantar, der dei fleste ikkje ønskjer å vere i basseng saman med menn. Svømmetrening er med på å førebygge ulykker og gir samtidig aukt sosial kompetanse.

Frivillig i Røde Kors

Kan du tenkje deg å drive inkluderingsarbeid i Røde Kors? Ta kontakt med ditt lokale Røde Kors eller registrere deg nedanfor!

Bli frivillig!

Frivillige i Røde Kors får grundig opplæring, har teieplikt og følgjer Røde Kors sine internasjonale prinsipp og retningslinjer for humanitær innsats.

Vi bruker informasjonskapsler til å forbedre din brukeropplevelse og for at vi skal forstå hvordan du bruker våre nettsider. Personvernregler