Velkomen til Kveik 2021 – med jubileum!
Er du frivillig i Røde Kors og ønskjer påfyll? På Kveik-konferanse kan du høyre dyktige innleiarar, ta eit kurs eller jobbe med idear saman med andre frivillige. Skei 15. –17. oktober 2021. Bli med!
Kveik er ei samling for alle frivillige i Røde Kors. Her kan du oppdatere deg fagleg, finne inspirasjon, dele erfaringar med likesinna eller utvikle eigen aktivitet i verkstader med deltakarar frå heile Sogn og Fjordane.
Program:
Programmet og lenke til påmelding blir lagt ut her over sommaren. Her er overskriftene:
Parallel kveik fredag:
du kan velgje mellom fleire temakurs og grunnkurs frå cirka 18-21. Etterpå er det middag.
Felles kveik laurdag:
utvalde fellestema, mellom anna beredskap ulike beredskapsroller i Røde Kors. Vi får eit tilbakeblikk - i år er Sogn og Fjordane Røde Kors 75 år, og det markerer vi her.
Fest-kveik laurdag kveld:
Det blir høgtideleg jubileumsmiddag med gjester og talar.
Parallell kveik søndag:
Det blir parallele fagsamlingar for hjelpekorpsa og omsorgstenestene.
Samlinga byrjar fredag 15. oktober klokka 18 og er slutt søndag den 17. ved lunsjtider. Kveik vert arrangert på Thon Jølster Hotell på Skei. Du kan velge om du vil delta på heile eller berre deler av samlinga. Set av dagane alt no!
Vel møtt!
Beste helsing
Sogn og Fjordane Røde Kors