Kveik-fane

Bli med på Kveik 2022!

Vi inviterer til inspirasjons- og læringshelg på Skei 21.-23. oktober for alle frivillige i Røde Kors i Sogn og Fjordane.

Er du frivillig i Røde Kors og vil ha litt fagleg påfyll og inspirasjon? På Kveik kan du velge mellom eit mangfald av kurs, få høyre gode foredrag, møte likesinna frå heile distriktet, ta del i diskusjon og eit triveleg fellesskap. Det er opp til deg om du vil delta heile helga, ein dag eller ein kveld, du er hjarteleg velkomen uansett!

Fredag kveld tilbyr vi rekordmange kurs; heile 15 ulike kurs frå dei fleste av Røde Kors sine aktivitetsområde. Saman skal vi lære, utvikle og gjere oss sjølv og Røde Kors enda sterkare og betre - til det beste for dei som treng oss.

Laurdag får vi besøk av Kadafi Zaman, utanriksreportar i TV2. Han vil fortelje om kva effekt humanitært arbeid kan ha for dei som er råka av krise eller konflikt. Morten Tønnesen-Krokan frå Norges Røde Kors ,vil orientere oss om korleis Røde Kors arbeider i konfliktområde.

Laurdag skal vi òg bruke tid på nye nasjonale satsingar innan førstehjelp og digitalisering. Korleis skal vi fylgje opp desse strategiane i Sogn og Fjordane? – i di lokalforeining? Den diskusjonen vil vi ha deg med på!

Søndag vert det fagsamlingar for frivillige som er aktive innan ung og omsorg, og innan søk og redning.

Å få kveik tyder å få ny kraft, nytt mot eller verte oppglødd.

Finn meir informasjon om dei ulike programpostane under her.

Meld deg på og velg dine kurs her.

PÅMELDING

 

Program:

Kurstilbod fredag 18.00 – 21.00

Felleskveik laurdag

Fagsamlingar søndag

220509_LSN_Scooterkøyring i Rindaboten-23
- Eg reiser heimatt med ei god kjensle og tenker at i dag har eg vore med på noko kjekt og gjeve litt av meg sjølv, seier Inger Johanne Talle, frivillig Sogndal Røde Kors Omsorg. Her saman med Ingrid Marte, som er deltakar på Bingo for folk med nedsett funksjonsevne.

Kveik startar med kursrekka fredag 21. oktober klokka 18 og vert avslutta med fagmøta søndag 23. etter lunsj – om ikkje anna er opplyst. Kveik vert arrangert på Thon Hotel Jølster på Skei. Du kan velge om du vil delta på heile eller deler av samlinga.

Påmeldingsfrist for garantert overnatting på hotellet er 30. september

PÅMELDING

 

Vel møtt!


Beste helsing
Sogn og Fjordane Røde Kors