Logg på Korsveien Sogn og Fjordane Røde Kors

Rettleiing til korleis du kjem deg inn på Korsveien. Passar både for deg som aldri har vore innlogga før, for deg som har gløymt passordet ditt, eller for deg har utløpt passord.

Steg 1: Gå inn på korsveien.no, og trykk der det står «Frivillig: Ny bruker/glemt passord»
Steg 2: Fyll inn mobilnummeret ditt og trykk på «Tilbakestill passord»-knappen
Steg 3: Sjekk mobilen din. Der skal du ha fått ei melding med brukarnamn og passord. Dersom du ikkje får noko, gå tilbake til steg 2 og prøv å fylla inn e-postadressa di i staden for mobilnummer.
Steg 4: Trykk på lenkja som heiter «tilbake til innlogging».
Steg 5: Du er no tilbake på innloggingsskjermen. Fyll ut brukarnamnet og passordet du fekk tilsendt. Merk at brukarnamnet ditt sluttar med rodekors.org, ikkje rodekors.no.
Steg 6: No kjem du til framsida av Korsveien. Velkomen og gratulerer!
Byta passord: Når du er innlogga, vil du kanskje byta til eit anna passord enn den herlege bokstavsuppa du fekk tilsendt på SMS. Då trykkjer du på «Bytt passord»-knappen i verktøypanelet.
Byta passord: Når du har trykt på «Bytt passord»-knappen, kjem du til ei ny side, der du må fylla inn det gjeldande passordet ditt (altso det du fekk tilsendt) og deretter det du vil ha som ditt nye passord. Det nye passordet må du skriva inn ein gong til, før du trykkjer på «Send». Merk at passordet ditt må tilfredsstilla kriteria som står lista opp under skjemaet.
Byta passord: Dette biletet viser korleis passordendringsskjemaet ser ut når det er fylt ut på rett måte.
Byta passord: Slik ser det ut når passordet er endra.
Byta passord: Dersom du ikkje finn «Bytt passord»-knappen i verktøypanelet på framsida av Korsveien, kan du finna han fram ved å trykkja på «endre verktøy». Då kan du bruka rullgardinmenyane til kvar enkelt knapp til å finna fram «Bytt passord»-funksjonen på den plassen i verktøypanelet du ynskjer. Når du er ferdig, trykkjer du «Lagre».

Kjem du deg framleis ikkje inn? Eller støyter du på andre problem? Ta kontakt med EDB-terapeuten på distriktskontoret. (vebjorn.sture@redcross.no, 57 72 31 46, 924 16 527)