Vik Røde Kors
Våre frivillige driv omsorgsaktivitetar og rednings- og beredskapsarbeid for å avdekkje, hindre og lindre naud i lokalsamfunnet. Med di hjelp kan me nå endå fleire.
- Adresse
- Postboks 46, 6891 VIK I SOGN
- Telefon
- 41104713
- E-post
- post@rkvik.no
- Leder
- Janne Aalien
- Nestleder
- Reidunn Bolstad
Vårt mandat
Vik Røde Kors har som mål å gjere lokalsamfunnet tryggare og betre - for alle. Vil du vite meir om kva me driv med i det daglege, og om kva du kan bidra med? Les vidare og klikk deg gjennom aktivitetsmenyen under.
Noreg er verdsleiande på frivilligheit, og halvparten av befolkninga engasjerer seg i samfunnsnyttig, frivillig arbeid. Frivilligheit har ikkje berre ein positiv effekt på samfunnet. Menneske som arbeider frivillig, er beviseleg lykkelegare enn andre. Som frivillig i Vik Røde Kors kan du engasjere deg lokalt, og føle på gleda ved å hjelpe andre.
Alternativt kan du bli medlem, og på den måten mogleggjere vårt arbeid gjennom di støtte. Det gjer godt, det òg. Eit ordinært medlemskap kostar 300 kroner pr. år, eller 150 kroner for deg under 26 år.
Vik Røde Kors Hjelpekorps er frivillig samfunnsberedskap i praksis. Me vert kalla ut av politiet ved større ulukker, naturkatastrofar og når nokon vert meldt sakna. Som Hjelpekorps er me i kontinuerleg beredskap, og kan på kort varsel rykke ut for å delta i søk og redningsaksjonar.
Hjelpekorpset i Vik Røde Kors er ein læringsarena der alle skal få dei utfordringane dei ynskjer, i eit trygt miljø. Difor tar me trening på alvor, og me gjennomfører jamleg øvingar.
Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.
Vil du bli frivillig i Hjelpekorpset?
Som frivillig i Vik Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser.
For meir informasjon, ta kontakt med:
Hjelpekorpsleiar Knut Mykkeltvedt
E-post: post@fjordsylv.no
Telefon: 91876314
Hjelpekorps: Meir informasjon
Vik Røde Kors gir gjennom aktiviteten «Besøksvenn» eit tilbod til menneske i lokalmiljøet som av ulike grunnar ønskjer nokon å snakke med.
Vil du bli besøksvenn?
Rundt om i landet finst det fleire tusen frivillige som besøker menneske både heime og på institusjonar. Som besøksvenn kjem du i kontakt med dei som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.
Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.
For meir informasjon, ta kontakt med:
Omsorgsleiar Linda Svendsen
E-post: lindasve2802@gmail.com
Telefon: 48133327
Røde Kors tilbyr besøk og samtalar til innsette i norske fengsel. Denne aktiviteten kallar me «visitortjeneste». Den fortrulege samtalen på cella eller besøksrommet er kjernen i visitortjenesten. Den innsette får ein nøytral samtalepartner å dele tankane sine med. Ein som lyttar, utan å dømme.
Einsemda bak murane er stor, og besøket til innsette i fengsel betyr mykje i ein monoton fengselskvardag.
Ein visitor er på mange måtar den innsette sitt vindauge mot verda utanfor. Den som kjem på besøk kan - ved å vere eit heilt vanleg menneske som frivillig kjem på besøk - gi den innsette ei kjensle av normalitet og verdigheit.
Ønsker du å få besøk i fengselet?
Dersom du sonar i fengsel og ønsker besøk av Røde Kors, spør etter kontaktperson for Røde Kors visitortjeneste i fengselet.
For meir informasjon, ta kontakt med:
Lokalforeiningsleiar Dariusz Napoleon Hauderowicz
E-post: post@rkvik.no
Telefon: 41104713
Generell informasjon om visitortjenesten finn du her.