Sogndal Røde Kors

Sogndal Røde Kors Hjelpekorps er frivillig samfunnsberedskap i praksis. Me er klare til å rykkja ut med personell og redningsmateriell når behovet oppstår.

I Hjelpekorpset tar me trening på alvor, og me gjennomfører jamleg større og mindre øvingar.

Me kan òg halde førstehjelpsvakt ved idrettsstemne, festivalar, konsertar og liknande. Kvar søndag, skisesongen gjennom, er 8-10 hjelpekorpsarar i beredskap i og ved løypene på Sogndal Skisenter Hodlekve. Her får mellom anna ungane øve seg på redning.

Som frivillig i Sogndal Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Me kallar det verdas beste hobby!

Klart eg vil bli med.

For meir informasjon, ta kontakt med:
Hjelpekorpsleiar Vegard Orrestad
E-post: vegard.orrestad@rodekors.org
Telefon: 47828084

For generell informasjon om Røde Kors Hjelpekorps, sjå her.

Vår besøksteneste gir gjennom aktiviteten «besøksvenn» eit tilbod til menneske i lokalmiljøet som av ulike grunnar ønskjer nokon å snakke med.

Vil du bli besøksvenn?
Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Besøksvennane driv ikkje oppsøkande verksemd, men besøkjer dei som ønskjer det.

Ønskjer du ein besøksvenn?
Ein besøksvenn kjem heim til deg og slår av ein prat, tar ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Vi kjem dit du er.

For meir informasjon, ta kontakt med:
Omsorgsleiar Bjørg Eikum Tang
E-post: bjorg.tang@gmail.com
Telefon: 93202490

Grunna korona-epidemien måtte me sette "Besøksvenn" på pause, men nå opnar me forsiktig opp att. Les meir her.

Kafé Møteplassen er eit tilbod for vaksne som ynskjer å vera sosiale, oppleva noko nytt og utvida sitt nettverk. Kva seier du til god mat, quiz, spel, temakveldar og moglegheit for turar på Fjordstien?

Du er hjarteleg velkomen tysdagar i oddetalsveker mellom klokken 18 og 20, på Sogndal kulturhus (2. etasje).

Sjå Facebook-sidene til Sogndal Røde Kors Omsorg for meir informasjon!

Som ein del av vårt migrasjonsarbeid, arrangerer Sogndal Røde Kors Omsorg handarbeidskveldar for sogndølingar frå heile verda. Å samlast om ein felles aktivitet, opnar for utveksling av erfaring, gode historiar og kulinariske opplevingar.

For meir informasjon, ta kontakt med:
Omsorgsleiar Bjørg Eikum Tang
E-post: bjorg.tang@gmail.com
Telefon: 93202490

Sogndal Røde Kors Omsorg arrangerer svømmegruppe for kvinner 10 gonger i året. Deltakarane er flyktningar/migrantar, der dei fleste ikkje ønskjer å vere i basseng saman med menn. Svømmetrening er med på å førebygge ulykker og gir samtidig aukt sosial kompetanse.

For meir informasjon om dette tilbodet, ta kontakt med:
Omsorgsleiar Bjørg Eikum Tang
E-post: bjorg.tang@gmail.com
Telefon: 93202490

Ein nattevandrar bidrar til å skape eit tryggare gatebilde og gir ungdommen eit betre utemiljø å ferdast i.

Meininga med nattevandring er at det skal vere voksne, edru menneske til stades i gatebildet, kvelds- og nattestid. Vi skal vere gode forbilde, og vi skal skape tryggleik i sentrum ved å vere synlege. At vi er til stades, har ein dempande effekt. Vi får tilbakemeldingar frå ungdommen sjølv om at dei er glade for at vi er til stades.

Kunne du tenke deg å bli med på nattevandring og skape eit trygt miljø for ungdommane våre?

Ja, eg vil bli nattevandrar.

For meir informasjon om nattevandring, ta kontakt med:
Leder for nattevandring: Oddvar Walaker
E-post: oddvar@walaker.net
Telefon: 90659233