Vis bildetekst
Årdal Røde Kors
Våre frivillige driv omsorgsaktivitetar for å trygge og støtte medmenneske i lokalsamfunnet. Bli med du òg, så kan me hjelpe endå fleire - saman.
- Adresse
- Boks 160, 6881 ÅRDALSTANGEN
- Telefon
- 918 79 729
- E-post
- ardalsrk@gmail.com
- Leder
- Patricia Diane Seglem Lægreid
- Nestleder
- Ingrunn Åberge
Vårt mandat
Røde Kors er ein internasjonal organisasjon som arbeider for å hindre og lindre naud. I Årdal Røde Kors tar me dette ned på lokalplan ved å gje tilbod om sosial kontakt og støtte til dei som treng det. Vil du vite meir om kva det inneber i praksis? Les om aktiviteten "besøksvenn" under, eller besøk Årdal Røde Kors si Facebook-side.
Arbeidet vårt er eine og åleine basert på frivillig innsats frå eldsjeler i lokalmiljøet. Me inviterer deg til å bli ein del av fellesskapen vår, slik at du òg kan få kjenne på gleda ved å hjelpa andre.
Alternativt kan du bli medlem, og på den måten mogleggjere vårt arbeid gjennom di støtte. Eit ordinært medlemskap kostar 300 kroner pr. år, eller 150 kroner for deg under 26 år.
Årdal Røde Kors Besøksteneste gir eit tilbod til menneske som kjenner på einsemda. Me kallar det "besøksvenn".
Vil du bli besøksvenn?
Som besøksvenn får du kontakt med menneske som av ulike grunnar ønskjer nokon å snakke med. Du besøker dei der dei bur, og saman bestem dykk kva de vil gjere. Hugs at det enkle ofte er det beste, og ein vekentlig kaffikopp med ein besøksvenn har ein verdi som vanskelig lèt seg måle.
Besøksvennane lagar òg felles sosiale møteplassar som til dømes julemessa til Årdal Røde Kors og Nedre Årdal kyrkjering.
Nokon gonger kan fysiske besøk vere vanskeleg å gjennomføre, men det finnes alltid ein råd. Då korona-restriksjonar stoppa besøkstjenesta, var me i Årdal Røde Kors på plass med eit tilpassa tilbod. Les meir om kva me gjorde her.
Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffikopp eller blir med på tur. Det speler inga rolle om du er ung eller gamal, om du bur heime eller på institusjon. Me veit at einsemd kan råke alle.
For meir informasjon, ta kontakt med:
Omsorgsleiar Patricia Diane Seglem Lægreid
E-post: ardalsrk@gmail.com
Telefon: 91879729