Noregsmeisterskap for Røde Kors Hjelpekorps

NM for Hjelpekorps er ein nasjonal konkurranse for medlemmer av Røde Kors Hjelpekorps.

Konkurransen skal:

• Heve ferdigheits- og kunnskapsnivået innan hjelpekorpsdisiplinar
• Vere ei realistisk og relevant treningsarena
• Stimulere til utvikling av operativ kompetanse, leiing og samhandling

NM 2026 vert gjennomført som eit oppdragsbasert NM, der laga får tildelt henteoppdrag, pasientoppdrag og søksrelaterte oppgåver gjennom konkurransen.

• Konkurransen går bort frå tradisjonell ringløype og nattorientering som faste konsept
• Oppdraga vil spegle reelle operative situasjonar i hjelpekorpskvardagen
• Førstehjelp, leiing, samhandling, tryggleik og taktiske vurderingar vil bli vektlagde

Konkurransen startar fredag ettermiddag og avsluttes laurdag ettermiddag/kveld.

NM skal vinnast av det beste laget. Laga vert vurderte ut frå:

• Fagleg kompetanse
• Leiing og rolleforståing
• Samhandling
• Prioriteringar og tryggleik i løysing av oppdrag

Det vert utarbeidd eit tydeleg vurderingsgrunnlag i samarbeid med relevante ressursgrupper. Dommarar vil få felles opplæring og nytte felles mal for vurdering, for å sikre lik og rettferdig bedømming.

Det er viktig å sikre god og relevant dommarkompetanse under NM 2026. Det er difor ynskjeleg med flest mogleg dommarar med VFØR og/eller LSOR kompetanse.

Hovuddommar vil ha direkte kontakt med kvart deltakande lag/distrikt for å sikre tilgang på tilstrekkeleg kvalifiserte dommarar.

Det er ynskjeleg at kvart distrikt stiller med éin dommar disponibel for arrangementet. Dersom dette ikkje let seg gjere, må arrangør meldast snarast mogleg.

• Lag består av 4 deltakarar, inkludert lagleiar, samt 1 reserve
• Lagleiar skal vere ein av dei fire aktive deltakarane under konkurransen
• Alle deltakarar må oppfylle gjeldande minstekrav for aktive i Røde Kors Hjelpekorps

Oppdraga kan innehalde:

• henteoppdrag
• pasientoppdrag
• søkselement

Ressursgruppe Ettersøkning og Ressursgruppe Førstehjelp er involvert i fagleg utforming av konkurransen

Det er tillate å nytte:

• Radioterminalar (Nødnett)
• GPS
• Digitale kartløysingar og nettbrett

Dette for å spegle reell operativ praksis i hjelpekorpset.

I forkant av NM vil det bli arrangert digitale informasjonsmøte på Teams for alle lagleiarar.

Målet med møta er å:

• Svare ut spørsmål
• Dele praktisk og fagleg informasjon
• Sikre felles forståing for konkurranseformat, rammer og vurderingsgrunnlag

Tidspunkt og påmeldingsinformasjon til møta vert sendt ut i god tid før arrangementet.

Deltakaravgift kr 17 000 per lag.

Arrangør vil tilby overnatting med bespisning til:

• lag
• reservar
• dommarar
• ansvarlege representantar
• Stab

Observatørar og supportarar må sjølve sørgje for overnatting og bespisning

Nærare informasjon om program, logistikk og praktiske forhold vert publisert fortløpande på denne nettsida.