Askvoll Røde Kors
Askvoll Røde Kors driv omsorgs-, rednings- og beredskapsarbeid for å hjelpe, trygge og støtte i lokalsamfunnet. Bli frivillig, så gjer vi Askvoll varmare og tryggare - saman.
- Adresse
- 6980 ASKVOLL
- Telefon
- 90730006
- E-post
- vigdis@nordei.de
- Nestleder
- Ingunn Nessen
- Leder
- Vigdis Løberg
Røde Kors har som føremål å avdekkje, hindre og lindre naud.
I Askvoll Røde Kors arbeider vi mot dette målet lokalt, gjennom beredskap og ved å gje eit tilbod om sosial kontakt og medmenneskeleg støtte til dei som treng det. Vil du vite meir om kva det inneber i praksis? Les om aktiviteten «Besøksvenn» i menyen under, eller sjå artiklane om "Varme gåver fra Askvoll Røde Kors" og "Rørande sommarfest" på Askvollheimen, som døme på noko av det vi driv med.
Sidan hausten 2020 har vi jobba med etableringa av eit operativt hjelpekorps i Askvoll, og det er med stoltheit vi kan melde at Askvoll Røde Kors no har inngått ein beredskapsavtale med Askvoll Kommune, der det nye hjelpekorpset vårt spelar ein sentral rolle. Hjelpekorpset har alt vore med på tre aksjonar i nærområdet og arrangerer jamnleg korpskveldar, der det mellom anna øvast på samband, førstehjelp og søk og redning. Dessutan er dei i ferd med å oppdatere alt utstyr og materiell. Dei samarbeider med kommunen om nytt depot og alle hjelpekorpsarane vil ha kontinuerleg tilbod om kurs.
For meir informasjon om Askvoll Røde Kors er du hjarteleg velkommen til å besøke Facebook-sida vår.
Som frivilleg kan du delta aktivt i Røde Kors sitt arbeid, og føle på gleda ved å hjelpe andre. Ikkje tid, seier du? Kva med eit medlemskap? Som medlem gjer du arbeidet vårt mogleg gjennom di støtte. Eit ordinært medlemskap kostar 300 kroner pr. år, eller 150 kroner for deg som er under 26 år.
Askvoll Røde Kors Besøksteneste er eit tilbod til menneske som av ulike grunnar ønskjer meir kontakt med andre menneske.
Vil du bli besøksvenn?
Rundt om i landet finst det fleire tusen frivillige besøksvenner som besøker menneske både i private heim og på institusjonar. Dei fleste besøksvenner har éin person dei besøker fast, som regel ein time eller to i veka. Som besøksvenn i Askvoll Røde Kors vert du eit lyspunkt for menneske som ønskjer nokon å snakke med.
Ønskjer du ein besøksvenn?
Ein besøksvenn kjem heim til deg og slår av ein prat, tar ein kaffikopp eller blir med på tur. Det speler inga rolle om du er ung eller gamal, om du bur heime eller på institusjon. Einsemd kan råke alle.
For meir informasjon, ta kontakt med:
Omsorgsleiar Marit Klausen.
E-post: maritklausen1954@icloud.com
Telefon: 99243088
Det siste året har vore hektisk i Askvoll Røde Kors. Etter at vi starta arbeidet med å etablere eit hjelpekorps, har pågangen og interessa vore enorm. Med hjelp frå distriktskontoret og dyktige kurshaldarar i Røde Kors, har vi no utdanna elleve operative hjelpekorpsarar, og fleire ventar på kurs.
Vil du vere med på dette eventyret, bør du melde deg inn i Askvoll Røde Kors. Trykk på knappen under, fyll inn skjema, så kontaktar vi deg.
Har du spørsmål om hjelpekorpset kan du kontakte hjelpekorpsleiar Ronny Svellingen. Kontaktinformasjon finn du nedst på denne sida.
Følg óg med på vår Facebook-side for oppdatert informasjon om kurs og møte.
Har du nokon spørsmål, ta kontakt med:
Hjelpekorpsleiar: Ronny Svellingen
E-post: svellingen007@gmail.com
Telefon: 90159703
Lokalforeiningsleiar: Vigdis Løberg.
E-post: vigdis@nordei.de
Telefon: 90730006
Alt du treng å vite om Røde Kors Hjelpekorps finn du her.