Hyllestad Røde Kors
Hyllestad Røde Kors har i dag to aktive avdelingar; omsorgstenesta og hjelpekorpset. Lenger ned på sida kan du lese meir om desse.
- Adresse
- C/O Hildegunn Hatlem, Åfjordvegen 407, 6958 SØRBØVÅG
- Telefon
- -
- E-post
- hildegunn.hatlem@rodekors.org
Vårt mandat
Vi har eit mål om å forebygge og respondere for å redde liv, trygge lokalsamfunnet og gje tilbod om sosial kontakt og støtte til dei som treng det mest.
Vil du vite meir om oss? Hyllestad Røde Kors si Facebook-side er ei side for gamle og nye medlemmar, men det er òg ei side for dei som ønsker å følge med på våre aktivitetar. Besøk vår Facebook-side her.
Hyllestad Røde Kors er glade og takknemlige for dei som ønsker å vere med i laget, og bruke litt av fritida si til å hjelpe medmennesker og gjere ei forskjell i lokalsamfunnet vårt.
Vi har en god blanding av frivillige med lang og kort fartstid, men vi har eit stort behov for fleire. Har du lyst å bli med, er du hjarteleg velkommen.
Eller kanskje du vil bli medlem, og gjere arbeidet vårt mogleg gjennom di støtte? Eit ordinært medlemskap kostar 300 kroner pr. år, eller 100 kroner om du er under 30 år. Trykk på knappen under for medlemmskap.
Spørsmål kan rettast til Anne Merete Takle (leiar), Lars Helge Akse (leiar hjelpekorps), Ann-Lise Birkeland (omsorgsleiar) eller Karine Hatlem Rønneseth (skrivar og medlem av hjelpekorpset).
Hyllestad Røde Kors Hjelpekorps vart truleg stifta i 1979, etter ein leiteaksjon her i kommunen. Sidan den gong har frivillige i Hyllestad og områda rundt, lagt ned tallause timar for di tryggleik.
Hjelpekorpsa i Hyllestad og Lavik hadde ein samarbeidsavtale i nokre år. I 2024 vart Lavik Hjelpekorps avvikla og dei som framleis var aktive der vart medlem av Hyllestad Hjelpekorps.
I 2025 sa Lars Helge Akse ja til å vere leiar for Hjelpekorpset i Hyllestad. Han har vore aktiv i hjelpekorpset tidligare og er ein god pådrivar ift øving på korpskveldar. Han er i tillegg med i det lokale brannvesenet, så vi er veldig glade for at han no i tillegg engasjerer seg som leiar for hjelpekorpset.
Eksempel på aktivitetar i hjelpekorpset: Søk og redning (i kommunen eller i nabokommunane), sanitetsvakt på ulike arrangement etter forespørsel. Vi stiller gjerne på stand ved lokale arrangement.
For hjelpekorpset er det viktig med øving. Her frå øving på søk i terreng på Nesje. Foto: Hyllestad Røde Kors
Som frivillig i Hyllestad Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa dine interesser. Hjelpekorpset si grunnopplæring består av førstehjelpskurs, søk og redning, samband og kunnskap om Røde Kors. Du kan òg spesialisere deg innan fleire ulike innsatsområder.
Ja, eg vil bli med i Hjelpekorpset
For meir informasjon, ta kontakt med:
Hjelpekorpsleiar Lars Helge Akse
Generell informasjon om Hjelpekorpset finn du her.
Hyllestad Røde Kors Omsorg vart oppretta i 2017.
Eksempel på aktivitetar i omsorgstjenesta: besøksvenn, sosiale samlingar på Eiklund med ymse program og aktivitetar, tur i nærområdet og utdeling av julegleder til barn.
Vi inviterer eldre heimebuande til å vere med på aktivitetane omsorg har på Eiklund. Vi hjelper til med skyss til og frå.
Hyllestad Røde Kors Omsorg har også demens- og seniorkor på Hyllestad omsorgssenter Eiklund.
Omsorgstjenesten i Hyllestad Røde Kors har eit godt samarbeid med Eiklund og med Hyllestad Kommune.
Gjennom aktiviteten «Besøksvenn» gir vi eit tilbod til menneske i lokalmiljøet som av ulike grunnar ønskjer nokon å snakke med.
Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.
Har du spørsmål, ta kontakt med omsorgsleiar Ann-Lise Birkeland, telefon 57788802
Generell informasjon om besøksvenn finn du her.