Ferie for alle i Sogn og Fjordane

I vinterferien arrangerar vi ferieleir på Nordfjord Fritidssenter. Nordfjord fritidssenter ligg 23 km frå Stryn i flotte naturomgjevnader 500 moh. Her vert det utandørs vinteraktivitetar som skileik, aking, grilling og anna moro i snøen.

Vi arrangerer to vinterleir-opphald i 2025. 16.-19. februar og 20.-23. februar. 

Last ned brosjyre om vinterleiren her. 

Les meir om vinterleir her.

Sommarleiren vert arrangert på Hauglandsenteret i Fjaler. Der ligg Røde Kors Nordisk United World College (UWC) og Røde Kors Haugland Rehabiliteringssenter. Her ligg alt til rette for ein aktiv ferie, med aktivitetar både på land og på fjorden.

Sommaren 2025 arrangerer vi tre leiropphald: 
30. juni - 4. juli
7. juli - 11. juli
14. juli - 18. juli

Les meir om sommarleir her.

Jobbar du i hjelpeapparatet og kjenner til familiar som har behov for eit gratis ferietilbod grunna økonomiske utfordringar, kan du sende inn ein søknad på vegne av familien.

Les meir om påmelding her.

Påmeldingsskjema for påmeldarar

For Røde Kors er det viktig å sikre at tilbodet blir gjeve til dei familiane som treng det mest. Det er vår oppfatning at hjelpeapparatet veit kva for familiar som har størst behov og kven som kan ha størst nytte av tilbodet. 

Slik sender du inn søknad

I søknadsskjemaet ber vi deg fylle inn ein del informasjon om familiemedlemmane. Informasjonen som vi spør etter er naudsynt for at vi skal kunne planlegge, gjennomføre og tilby gode ferieopphald.

Ha følgende klart når du skal fylle ut søknaden

• Informasjon om familien (namn, alder og kjønn på familiemedlemmane og kontaktinformasjon: adresse, e-postadresse og telefonnummer) 
• Kva ferieopphold familien ynskjer å delta på
• Om familiemedlemmane har behov for tilrettelegging grunna fysiske eller psykiske utfordringar. Dette er viktig for at vi skal kunne legge til rette så godt som mogeleg på opphaldet.
• Har familien deltatt tidligare eller søkt og fått avslag
• Samtykker familien til at Røde Kors tek kontakt dersom det skulle dukke opp andre relevante tilbod

Dette trenger vi din hjelp til underveis: 

• Sikre at familien har fått informasjon om tilbod/avslag, og at familiar som har fått plass får informasjon om opphaldet og praktisk informasjon før dei skal på tur
• Har dialog med familien om naudsynt utstyr som trengs for å kunne delta på ferieoppholdet
• Du kan bli kontakta av Røde Kors i tida før opphaldet dersom det er trong for ytterligare informasjon om familien.

Påmeldingsskjema for påmeldarar

Informasjon om ferieleiren til deltakarane

Last ned brosjyra under. Del informasjonen eller brosjyra med deltakarane. 

Ferie for alle - infobrosjyre. 

Fleire gonger i løpet av året arrangerer Sogn og Fjordane Røde kors Ferie for alle.

Sommarleiren og haustleiren vert arrangert på campus til United World College Røde Kors Nordisk (UWCRCN) på Haugland i Fjaler, medan vinterleiren vert arrangert på Nordfjord Fritidssenter i Stryn. Ferieleirane inneber gratis overnatting og dekka mat og drikke. Frivillige frå Røde Kors bur og deltek saman med familiane under heile opphaldet.

Familiar som ikkje har høve til å køyre sjølv får tilbod om gratis busstransport til leiren frå næraste knutepunkt.

Sommarleir på Haugland

Oppstart av leirane er måndagen med oppmøte i tidsrommet 13-15. Det vil vere om lag 100 gjester som deltek samtidig på leiropphaldet. Første dag får familiane tildelt rom på huset der dei skal bu og nærare informasjon om leiropphaldet. Det er ikkje lagt inn organisert aktivitet på oppmøtedagen, så her kan familiane få tid til innlosjering, legge på sengeklede, bli kjent medområdet og kvarandre. Det vert servert lunsj fram til 15.30. Når leiren er slutt, må gjestane ta av sengekleda, rydde rommet og levere nøkkel.

Busetting

Alle gjestar bur i internathus i 4- og 8-sengers familierom, dei fleste med eige bad. Det følgjer med sengeklede og handkle. Romma vert vaska av reinhaldarar under opphaldet. Det finst også eit felles vaskerom med tørkemoglegheiter. Der kan ein også få utdelt ekstra sengeklede og handklede.

Mat og drikke

Det vert servert frukost, lunsj, middag og kveldsmat kvar dag, og det vert tatt matomsyn som er meldt inn på førehand. Skulen har ei eiga kantine der alle måltid, utanom kveldsmaten, vert servert. Nokre dagar vert det servert mat og drikke utandørs eller på utflukt. Treng ein mat utanom dette må gjestane ta med sjølv då det ikkje er butikk i nærleiken.

Ferie for alle er eit rusfritt arrangement. Brot på reglar kan føre til utestenging frå aktivitet, erstatningsansvar eller heimreise.

Vertsskap

På leiren er det frivillige ferievertar frå Røde Kors og tilsette aktivitetsleiarar ved skulen som skal fylle veka med aktivitetar i trygge rammer for gjestane.

Tilsette er ansvarleg for program og måltid på dagtid, medan frivillige hjelper til og er tilgjengeleg for gjestane under opphaldet. Dei frivillige bur på husa saman medfamiliane, og har ansvar for aktivitet og mat på kveldstid. Det vil vere om lag 15 frivillige med på leiren. Familiane får ein primærfrivillig som fylgjer dei gjennom heile opphaldet. Det er alltid foreldra som har ansvar for barna sine under opphaldet, dei frivillige kjem i tillegg til føresette, ikkje i staden for.

Program og aktivitetar

Leiren er lagt opp med aktive dagar med mykje utandørs aktivitet. Alle aktivitetar er gratis. Dagane vert delt inn i faste tider med program for føremiddag (eksempelvis kl. 10-12), ettermiddag (kl. 13.30-15.30) og (16-17/17-18) der familiane vert fordelt på ulike aktivitetar frå dag til dag. Barna må ha med seg foreldra på aktiviteten for å kunne delta.

Aktivitetane går føre seg i trygge rammer under leiing av kyndig og sertifisert tilsette og med frivillige som hjelper til. Det vert varierte aktivitetar som kano, frisbee, tube, SUP-brett, pizzabaking, natursti, bogeskyting, bading i sjøen m.m. Aktivitetane vert tilpassa alle ferdigheitsnivå og ein treng ikkje ha erfaring frå før. Foreldre vert oppmoda om å vere med på sjølve aktiviteten, men får lov til å vere tilskodar når barna deltek.

Om kveldane vert det felles sosiale aktivitetar med brettspel, bingo, film, dans og uteleik. For ungdommane vert det organisert eigne aktivitetar somme dagar. Det er stilletid frå kl. 22, og foreldra må syte for at barna kjem i hus slik at det vert ro for alle som skal sove. Barna bør også vere i seng i passande tid for å vere utkvilde og klare for ein aktiv neste dag.

Basseng og badeklede

I løpet av opphaldet får familiane også tilgang på eit stort innandørs badeanlegg. Alle som skal bade MÅ ha reint og eigna badetøy som er meint for bading for å få lov til å bruke bassenget.

Tryggleik og ansvar

Foreldre har sjølv ansvar for barna si sikkerheit og helse. Det inneber at foreldra passar på at barna følgjer ferieleiren sine reglar. Leirstaden ligg ved vasskanten og det er viktig at ingen badar aleine eller er ved sjøen på eiga hand. Ved bruk av kano, båtar eller vassutstyr skal aktivitetsleiarar frå UWC vere med.

For at alle skal få eit godt og trygt opphald, er det nødvendig at familiane forstår og kan gjere seg forstått på norsk for å kunne ta imot og gje viktige beskjedar. Ettersom det er mange som deltek, må familiane klare seg utan tett oppfølging frå dei frivillige. UWC har eiga gjesteforsikring. Deltakarane må sjølv ha reiseforsikring.