Førde Røde Kors

Hjelpekorpset vert utkalla av politiet ved større ulukker, naturkatastrofar og når nokon vert meldt sakna. Hjelpekorpsa er i kontinuerleg beredskap og kan på kort varsel rykke ut for å delta i søk og redningsaksjonar (les meir under filmen).

Hjelpekorpset i Førde Røde Kors er ein læringsarena der alle skal få dei utfordringane dei ynskjer, i eit trygt miljø.

Vi disponerer eit variert utval av hjelpemiddel, mannskapsbil, snøskuter, telt m.m.

Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp. Sjå eiga side i menyen for meir informasjon.

I tillegg underviser vi mange kvart år i livreddande førstehjelp.Vi kaller det å vere hjelpekorpsar verdas beste hobby. Bli med du også!

Sjølvsagt vil eg bli hjelpekorpser.

For meir informasjon, ta kontakt med:
Fungeande leiar i hjelpekorpset Are Bødal
E-post:are.bodal@rodekors.org
Telefon: 40608490

Hjelpekorps: Mer informasjon

Menneske møter menneske. I sosiale lag, på tur eller over ein kopp kaffi. I besøkstenesta kjem du tett på folk.

Vil du bli frivillig eller treng du besøk?

Ta kontakt med:
Leiar for besøkstenesta Magnhild Helgøy
E-post: mahelgo@hotmail.com
Telefon: 95078748

Du kan melde deg som frivillig her.

For meir og oppdatert informasjon, sjå Førde Røde Kors Ungdom si Facebookside.

Sosial møteplass for nordmenn, flyktningar og asylsøkjarar.

Annankvar torsdag inviterer Førde Røde Kors til internasjonal kafé i kantina på Rødekorsbygget. Språktrening er ein viktig del av integreringsarbeidet, så her er ein del av fokuset å trene på å snakke norsk med kvarandre. Gjestane har høve til å ta med mat til felles buffé, og det vert servert kaffi, te og frukt. Det er også høve til å spele brettspel o.l., og aktivitetar/leikar for born.

Dei frivillige førebur kafeen, deltek i språktrening og det sosiale samværet og organiseringa av kafeen elles.

Eg vil bli frivillig.

For meir informasjon, ta kontakt med:
Aktivitetsleiar Torun Lucassen
E-post: torun.lucassen@enivest.net
Telefon 41624078

Internasjonal handarbeidsgruppe er annakvar tysdag på Internasjonal kafe i kantina på Røde Kors bygget.

Her kan bebuarane utfalde seg kreativt innan handarbeid, og treffast på ein sosial arena. Hovudaktivitetane er strikking, hekling og maling. Vi kjøper inn garn, strikkepinnar, heklenåler og anna utstyr til aktivitetane.

For meir informasjon, ta kontakt med:
Oddny Njøsen
Telefon: 99205011

Gjennom ordninga med vitnestøtte får vitne i rettssaker medmenneskeleg støtte, rettleiing og praktisk hjelp.

Å ha opplevd, eller ha vore vitne til ei kriminell handling, kan vere skremmande. Å skulle vitne om det som har skjedd, vil ofte kjennast både ubehageleg og vanskeleg. Ei vitnestøtte kan vere til verdifull hjelp i ein slik situasjon.

Vil du bli vitnestøtte?

For meir informasjon ta kontakt med:
Leiar for Vitnestøtte Jan Ryste
E-post: jan@enivest.net
Telefon: 97092970 (etter kl.17.00)

Vitnestøtte: Mer informasjon

Møteplassen kan opne dører til nye positive nettverk.

Vi tilbyr sanitetsvakter til ulike arrangement i Førde. Eksempel på slike arrangement kan vere idrettstemner, messer og konsertar.

Eit sanitetslag består av to førstehjelparar og gjerne ein aspirant. Mannskapet har gjennomgått ei obligatorisk grunnopplæring og er kvalifisert til å utføre førstehjelp.

All vår aktivitet er basert på frivillegheit, så våre mannskap stiller på vaktene som dugnad. Det inneber at ingen av mannskapa tener pengar. Inntektene går uavkorta til Førde Røde Kors Hjelpekorps og vidare til opplæring av mannskap, innkjøp av beredskapsutstyr og generell drift av hjelpekorpset.

Prisar på vanleg sanitetsvakt pr. sanitetslag.
Grunntakst, inntil 4 timar inkludert 1 time transport og klargjering: kr 1500,–
Pr. time utover dette: kr 350,–
Høgt forbruk av utstyr under vakta vil fakturerast i tillegg. Ved lange vaktoppdrag, der arrangør ikkje tilbyr mannskapet mat, vil utgifter til dette bli fakturert.

Ved faste avtalar om sanitetsvakt eller ved større enkeltarrangement, kan eigne prisar avtalast.

Prisar på sanitetsvakt med snøskuter.
Startpris/minstepris: kr 1200,– inkluderer snøskuter med sjåfør og ein sidemann i 2 timar.
Deretter kr 500,– pr. påbegynt time.
Mykje køyring og forbruk av utstyr gir tillegg i prisen.

Bestilling og avtale.
Ved bestilling av sanitetsvakt bør hjelpekorpset få førespurnad minst 14 dagar før arrangementet.

For meir informasjon, ta kontakt med:
Hjelpekorpsleiar Are Bødal
E-post: are.bodal@rodekors.org
Telefon: 40608490

Fleire og fleire verksemder ser verdien av at dei tilsette har god kompetanse og gode ferdigheiter på livreddande førstehjelp når behovet oppstår.

Nattevandrarar bidrar til å skape eit tryggare gatebilde og gir ungdommen eit betre utemiljø å ferdast i.

Meininga med nattevandring er at det skal vere edru menneske til stades i gatebildet, kvelds- og nattestid. Vi skal vere gode forbilde, og vi skal skape tryggleik i sentrum ved å vere synlege. At vi er til stades, har ein dempande effekt på ungdommen. Vi får tilbakemeldingar frå ungdommen sjølv, dei er glade for at vi er til stades. Vi får også mange gode tilbakemeldingar frå både politi og handelsstanden om at vi gjer ein viktig jobb. Det blir mindre hærverk i sentrum og færre valdelege episodar.

Vil du bli nattevandrar?

For meir informasjon, ta kontakt med oss på:

E-post: post@forderodekors.no
Tlf: 90780188

Nattevandring: Meir informasjon