Ferie for alle
Alle skal få mogelegheit til å ta nokre dagar fri og ha det kjekt saman med andre. Velkomen til Ferie for alle i 2022!
I sommarferien og vinterferien arrangerer Sogn og Fjordane Røde Kors "Ferie for alle". Røde Kors ynskjer at flest mogeleg born skal oppleve å få den gode feriekjensla. Ferieleiarane er eit gratis tilbod til barnefamiliar som ikkje har ressursar til å reise på ferie eller har anna tilsvarande tilbod om ferie.
Les meir om tilboda ved å trykke på plussteikna nedanfor:
Ferie er tid for å ha det moro! Om vinteren arrangerar vi ferieleir på Nordfjord fritidssenter i Stryn kommune. Ein får familierom, og et i felles kantine. Dei frivillige ferievertane våre legg til rette for alle mogelege slags artige utandørs vinteraktivitetar som skileik, aking, grilling og anna moro i snøen.
Vinterleiren er eit supplement til offentlege tiltak og vert arrangert i vinterferien. Familiane som deltek må ha minst eitt barn i alderen 6-13 år. Tilbodet er gratis - som inneber opphald med aktivitetar og tre overnattingar med heilpensjon.
Leiren er leia av frivillige frå Røde Kors, men foreldra har sjølv ansvar for borna sine under opphaldet. I tillegg har leirstaden eigne aktivitetsleiarar som sørger for eit variert program med skileik, måltid på bål, skitur og villmarksleir.
Reportasje Vinterferie for alle
Sommarleiren vert arrangert på Hauglandsenteret i Fjaler. Der ligg Røde Kors Nordisk United World College (UWC) og Røde Kors Haugland Rehabiliteringssenter. Her ligg alt til rette for ein aktiv ferie, med aktivitetar både på land og på fjorden.
Når
Veke 26: mandag 27.6. - fredag 1.7. 2022
Veke 27: mandag 4.7. - fredag 8.7. 2022
Veke 28: mandag 11.7. - fredag 15.7. 2022
Aktiv ferie
"Ferie for alle" er ein aktiv leirferie, kor det meste føregår utandørs med varierte aktivitetar som fisking, bogeskyting, klatring, og i båt på fjorden. Fleire dagar er det dessutan innandørs bading i basseng. Målet med ferien er at heile familien skal få gode opplevingar i lag, oppleve meistring og fellesskap, og få nye vener.
Praktisk informasjon
Familiane bur i UWC sine internatbygg på Haugland i rom med opp til fem soveplassar og eige bad. Sengetøy og handklede følgjer med romma. Det er høve til å vaske klede. Frukost, lunsj og middag serverast i kantinebygget, og enkel kveldsmat vert tillaga av dei frivillige i aktivitetshuset.
- Røde Kors ordnar med transport for dei som ikkje kan køyre sjølve.
- Frivillige frå Røde Kors er med og bidreg til eit godt ferieopphald.
- Foreldra har ansvar for barna sine.
- Leiren er rusfri og gjestane må rette seg etter reglane på leirstaden.
- Tildeling av plass føreset at familien er med alle dagane leiren varer.
- Tal plassar avhengig av gjeldande smittevernreglar i juli.
- Sjekk med ditt NAV-kontor om din familie fell under kriteria som er satt for å kunne delta.
Bli frivillig på Ferie for alle
Som frivillig på våre ferietilbod er du engasjert i lag med andre med å legge til rette for ei god og etterlengta oppleving for våre feriefamiliar. Du er med på leik, aktivitetar, utflukter, festlegheiter - ja, det ein god ferie har å by på.
Eg vil bli frivillig på ferieleir!
Kven kan vere frivillig?
Alle kan vere frivillig på "Ferie for alle". Din viktigaste eigenskap er ditt store hjarte, men vi treng alle typar frivillige med ulik kompetanse. Den aktive, omsorgspersonen, gledesspreiaren, den språkmektige, du som likar deg på sjøen, du som likar å lage mat, spele spel og drive med handarbeid, yngre og eldre. Vi treng ferietanter og ferieonklar, feriebesteforeldre, og ferievener. Du kan bidra med det du kan og trivast best med!
Aktivitetar
Vi har ulike aktivitetar kvar dag. Døme på aktivitetar er kano, tubekøyring, symjing og fisking. På vinterleiren er det ski, aking, grilling og meir. Dei frivillige er med på dei ulike aktivitetane, og hjelper den som er aktivitetsansvarleg og foreldre/følgjepersonar med det dei har behov for.
Praktisk i leirveka
Vi har 15-20 frivillige på kvar leir på Haugland, og om lag 5 frivillige på vinterleir. Dei frivillige møter på eige tidspunkt før leirstart. Ved oppmøte får dei omsyning på leirstaden, meir detaljert informasjon om leirveka og arbeidsoppgåver, verte betre kjend med dei andre frivillige og får førstehjelpsopplæring.
For kvart leiropphald er det utarbeidd ein beredskapsplan for uventa hendingar, og denne vert gjennomgått søndagen.
Dei frivillige overnattar på eigne rom.
På kvar leir er det ein leirsjef som har hovudansvar for alt som skjer på leiren. Leirsjef er næraste kontaktperson for alle dei frivillige. Elles er det faste møtepunkt, der ein fordeler oppgåver og elles tek føre seg det som har skjedd eller skal skje.
Ynskjer til frivillige:
- Du er over 18 år, men vi gjer unntak dersom ein er særleg eigna og/eller har god Røde Kors erfaring frå før.
- Du er pliktoppfyllande
- Du er leiken og trygg.
- Du er hjelpsam og støttande.
- Du er varm med eit stort hjarte.
- Du er glad i å vere med andre og ein lagspelar.
Som frivillig får du:
- God og gratis opplæring for å bli trygg i rolla som frivillig
- Introduksjon til Røde Kors.
- Førstehjelpskurs.
- Temakurs oppvekst.
- Sogn og Fjordane Røde Kors dekkjer alle utgifter for dei frivillige (reise, kost og losji)
- Attest i etterkant av leiropphaldet.
- Hjelp og oppfølging i for- og etterkant av leiren.
Spørsmål? Kontakt våre medarbeidarar på distriktskontoret!
- Katja Gulhaugen
- Jobbar med Ferie for alle, Julegleder for barn, Barnas Røde Kors og anna aktivitet innan barn og omsorg.
- E-post
- katja.nielsen@redcross.no
- Mobil
- 411 72 494
- Irene Grøneng
- Jobbar med ulike administrative oppgåver.
- E-post
- irene.groneng@redcross.no
- Mobil
- 95300131