Ferie for alle i Sogn og Fjordane

Ferie er tid for å ha det moro! Om vinteren arrangerar vi ferieleir på Nordfjord Fritidssenter i Stryn. Ein får familierom, og et i felles kantine. Dei frivillige ferievertane våre legg til rette for alle mogelege slags artige utandørs vinteraktivitetar som skileik, aking, grilling og anna moro i snøen.

Årets Vinterferie-leirar er 18.-21. februar og 22.-25. februar

Vinterleiren er eit supplement til offentlege tiltak og vert arrangert i vinterferien. Familiane som deltek må ha minst eitt barn i alderen 6-13 år. Tilbodet er gratis - som inneber opphald med aktivitetar og tre overnattingar med heilpensjon.

Leiren er leia av frivillige frå Røde Kors, men foreldra har sjølv ansvar for borna sine under opphaldet. I tillegg har leirstaden eigne aktivitetsleiarar som sørger for eit variert program med skileik, måltid på bål, skitur og villmarksleir.

Les reportasje Vinterferie for alle

Informasjon om påmelding finn du lenger nede på nettsida.

Frist for påmelding til vinterleir er 10. januar.

Sommarleiren vert arrangert på Hauglandsenteret i Fjaler. Der ligg Røde Kors Nordisk United World College (UWC) og Røde Kors Haugland Rehabiliteringssenter. Her ligg alt til rette for ein aktiv ferie, med aktivitetar både på land og på fjorden.

Når

Veke 27: mandag 1.7. - fredag 5.7. 2024
Veke 28: mandag 8.7. - fredag 12.7. 2024
Veke 29: mandag 15.7 - fredag 19.7. 2024

Aktiv ferie

"Ferie for alle" er ein aktiv leirferie, kor det meste føregår utandørs med varierte aktivitetar som fisking, bogeskyting, klatring, og i båt på fjorden. Fleire dagar er det dessutan innandørs bading i basseng. Målet med ferien er at heile familien skal få gode opplevingar i lag, oppleve meistring og fellesskap, og få nye vener.

Praktisk informasjon

Familiane bur i UWC sine internatbygg på Haugland i rom med opp til fem soveplassar og eige bad. Sengetøy og handklede følgjer med romma. Det er høve til å vaske klede. Frukost, lunsj og middag serverast i kantinebygget, og enkel kveldsmat vert tillaga av dei frivillige i aktivitetshuset.

• Røde Kors ordnar med transport for dei som ikkje kan køyre sjølve.
• Frivillige frå Røde Kors er med og bidreg til eit godt ferieopphald.
• Foreldra har ansvar for barna sine.
• Leiren er rusfri og gjestane må rette seg etter reglane på leirstaden.
• Tildeling av plass føreset at familien er med alle dagane leiren varer.
• Tal plassar avhengig av gjeldande smittevernreglar i juli.

• Familien kan ikkje melde på seg sjølv. Ta kontakt med din kontaktperson i det lokale hjelpeapparatet og høyr om din familie fell under kriteria som er satt for å kunne delta. Det kan være til dømes NAV, barnevern, helsestasjon, flyktningetenesta. I så fall kan kontaktpersonen melde dykk på.

Kven kan vere frivillig?

Alle kan vere frivillig på "Ferie for alle". Din viktigaste eigenskap er ditt store hjarte, men vi treng alle typar frivillige med ulik kompetanse. Den aktive, omsorgspersonen, gledesspreiaren, den språkmektige, du som likar deg på sjøen, du som likar å lage mat, spele spel og drive med handarbeid, yngre og eldre. Vi treng ferietanter og ferieonklar, feriebesteforeldre, og ferievener. Du kan bidra med det du kan og trivast best med!

Dei frivillige er med på dei ulike aktivitetane, og hjelper den som er aktivitetsansvarleg og foreldre med det dei har behov for.

Praktisk i leirveka

Vi har 15-20 frivillige på kvar leir på Haugland, og om lag 5 frivillige på vinterleir. Dei frivillige møter på eige tidspunkt før leirstart. Ved oppmøte får dei omsyning på leirstaden, meir detaljert informasjon om leirveka og arbeidsoppgåver, verte betre kjend med dei andre frivillige og får førstehjelpsopplæring.

For kvart leiropphald er det utarbeidd ein beredskapsplan for uventa hendingar, og denne vert gjennomgått søndagen.

Dei frivillige overnattar på eigne rom.

På kvar leir er det ein leirsjef som har hovudansvar for alt som skjer på leiren. Leirsjef er næraste kontaktperson for alle dei frivillige. Elles er det faste møtepunkt, der ein fordeler oppgåver og elles tek føre seg det som har skjedd eller skal skje.

Ynskjer til frivillige:

• Du er over 18 år, men vi gjer unntak dersom ein er særleg eigna og/eller har god Røde Kors erfaring frå før.
• Du er pliktoppfyllande
• Du er leiken og trygg.
• Du er hjelpsam og støttande.
• Du er varm med eit stort hjarte.
• Du er glad i å vere med andre og ein lagspelar.

Som frivillig får du:

• God og gratis opplæring for å bli trygg i rolla som frivillig
• Introduksjon til Røde Kors.
• Førstehjelpskurs.
• Temakurs oppvekst.
• Sogn og Fjordane Røde Kors dekkjer alle utgifter for dei frivillige (reise, kost og losji)
• Attest i etterkant av leiropphaldet.
• Hjelp og oppfølging i for- og etterkant av leiren.

Eg vil bli frivillig!

Jobbar du i hjelpeapparatet og kjenner til familiar som har behov for eit gratis ferietilbod grunna økonomiske utfordringar, kan du sende inn ein søknad på vegne av familien. Frist for påmelding til vinterleir er 10. januar. 

Påmeldingsskjema for påmeldarar

For Røde Kors er det viktig å sikre at tilbodet blir gjeve til dei familiane som treng det mest. Det er vår oppfatning at hjelpeapparatet veit kva for familiar som har størst behov og kven som kan ha størst nytte av tilbodet. 

Desse familiene kan delta på Ferie for alle

• Har hatt økonomiske utfordringar i tre år eller meir
• Har minst eit barn i barneskulealder
• Har ikkje tilsvarande ferietilbod
• Klarer seg sjølv utan behov for tett oppfølging frå våre frivillige

Slik sender du inn søknad

I søknadsskjemaet ber vi deg fylle inn ein del informasjon om familiemedlemmane. Informasjonen som vi spør etter er naudsynt for at vi skal kunne planlegge, gjennomføre og tilby gode ferieopphald.

Ha følgende klart når du skal fylle ut søknaden

• Informasjon om familien (namn, alder og kjønn på familiemedlemmane og kontaktinformasjon: adresse, e-postadresse og telefonnummer) 
• Kva ferieopphold familien ynskjer å delta på
• Om familiemedlemmane har behov for tilrettelegging grunna fysiske eller psykiske utfordringar. Dette er viktig for at vi skal kunne legge til rette så godt som mogeleg på opphaldet.
• Har familien deltatt tidligare eller søkt og fått avslag
• Samtykker familien til at Røde Kors tek kontakt dersom det skulle dukke opp andre relevante tilbod

Dette trenger vi din hjelp til underveis: 

• Sikre at familien har fått informasjon om tilbod/avslag, og at familiar som har fått plass får informasjon om opphaldet og praktisk informasjon før dei skal på tur
• Har dialog med familien om naudsynt utstyr som trengs for å kunne delta på ferieoppholdet
• Du kan bli kontakta av Røde Kors i tida før opphaldet dersom det er trong for ytterligare informasjon om familien.

Påmeldingsskjema for påmeldarar

Frist for påmelding til vinterleir er 10. januar.