Florø Røde Kors

Florø Røde Kors Hjelpekorps består i dag av 26 frivillige som vert kalla ut av politiet ved større ulukker, naturkatastrofar eller når nokon er meldt sakna. Hjelpekorpset er i kontinuerleg beredskap og kan på kort tid rykke ut med personell og redningsmateriell for å delta i søk og redningsaksjonar.

Vi sit på mykje utstyr og kompetanse, noko som gjer til at vi kan utføre ein sikker jobb i krevjande lende og på sjø/vatn. Vi har eigen mannskapsbil, båt og RIB på hengar.

Ved ulike arrangement som til dømes festivalar, sportsstevne, konserter og folketog, kan hjelpekorpset stille som sanitetsvakt.

Sanitetsvaktene er utdanna i førstehjelp og har med seg nødvendig førstehjelps-, sambands- og transportutstyr, slik at dei straks kan ta seg av folk som treng hjelp.

Det er, og det skal vere, kjekt å vere med i hjelpekorpset. Nokon vil kalle det verdas beste hobby.

Bli med i hjelpekorpset

Dersom du lurer på noko rundt hjelpekorpset, er du hjarteleg velkommen til å ta kontakt med:
Hjelpekorpsleiar Tor Henning Korneliussen
E-post:flora@rodekors.org

Telefon: 94498253

Hjelpekorps: Meir informasjon

Florø Røde Kors besøksteneste organiserer besøk til menneske som ønskjer og treng støtte og oppmuntring i kvardagen.

Vil du bli besøksvenn?
Som besøksvenn blir du sett i kontakt med menneske som av ulike grunnar ønskjer nokon å snakke med, og du bidreg til å gjere kvardagen lettare for einsame i alle aldrar. Vi driv ikkje oppsøkande verksemd, men besøkjer dei som ønskjer det.

Ønskjer du ein besøksvenn?
Ein besøksvenn er ein frivillig frå Røde Kors som kjem heim til deg. Det spiller inga rolle om du er ung eller gamal, om du bur heime eller på institusjon. Einsemda kan råke alle. Det er opp til deg, og behova dine, kva innhaldet i besøket skal vere, men det kan til dømes vere turar, kafébesøk eller rett og slett ein prat i heimen.

For meir informasjon, ta kontakt med:
Leiar, Florø Røde Kors omsorg: Saba Berhane
E-post: flora@rodekors.org
Telefon: 47316763

Røde Kors besøksvenn med hund skaper trivsel og glede for menneske på institusjonar og heime.

Forsking syner at nærkontakt med dyr har ein helsemessig positiv effekt på menneske, både fysisk og psykisk. Hund skaper kontakt, syter for samtaleemne og byr på kos. Kjekt å ta med på besøk, og kjekt å få møte.
Florø Røde Kors Omsorg har difor halde kurs og sertifisert ekvipasjar med hund og eigar, og vi er stolte over å kunne tilby besøk heime eller på institusjon.

Ønskjer du meir informasjon om korleis du kan bli besøksvenn med hund, eller vil du eller nokon du kjenner nytte tilbodet, ta kontakt med:

Leiar, Florø Røde Kors omsorg: Saba Berhane
E-post: flora@rodekors.org
Telefon: 47316763

Besøksvenn med hund: Meir informasjon.

Å bu på asylmottak kan være einsidig og vanskeleg. Frivillige frå Florø Røde Kors legger derfor til rette for positive opplevingar for bebuarar på mottak.

Usikkerheit og lang ventetid kan føre til at mange som bur på asylmottak saknar opplevingar med meining og meistring, og det å kjenne seg trygg i kvardagen. Å bli møtt og sett av eit medmenneske i lokalsamfunnet kan gjere ein stor skilnad.

Normalisering av kvardagen.

Frivillige frå Florø Røde Kors tilbyr mellom anna aktivitetar som møteplass for ungdom og turar for heile familien.

Aktivitetane skjer på og utanfor Solbakken asylmottak. Når asylsøkarar deltek i nærmiljøet kan dette legge til rette for gjensidig forståing og respekt. Aktivitetane bidreg til å normalisere kvardagen for bebuarane og gjer ventetida litt betre.

Frå bowlingtur med pizza til bakedag på mottaket.

Røde Kors sine aktivitetar på mottak kan være alt frå spelkveld og bakedag til temakurs og utfluktar. Aktivitetane blir tilrettelagt etter behov, og er ofte basert på idear frå bebuarane. Bebuarane vert også oppfordra til å bidra med eigne ressursar.

Florø Røde Kors samarbeidd med andre frivillige organisasjonar, tilsette på asylmottaket, bebuarane  og frivilligsentralen for å skape gode opplevingar både for den enkelte og for familiane.

Har du lyst å bli frivillig i Florø Røde Kors? Registrer deg her, så tar vi kontakt?

Eg vil bli frivillig

For meir informasjon, ta kontakt med:
Leiar, Florø Røde Kors omsorg: Saba Berhane
E-post: flora@rodekors.org
Telefon: 47316763

Vi veit at nattevandrarar, gjennom sitt nærvær, kan bidra til å skape eit tryggare gatebilde og gi ungdommen eit betre utemiljø å ferdast i.

Tanken bak nattevandring er at det skal vere bevisste, edru voksne til stades i gatebildet på kvelds- og nattestid. Vi skal vere gode forbilete, og vi skal skape tryggleik i sentrum ved å vere synlege. At vi er til stades, har ein beroligande effekt, og vi får tilbakemeldingar frå ungdommen sjølv som tilseier at dei er glade for at vi er der.

Vi får også mange gode tilbakemeldingar frå både politi og handelsstanden om at vi gjer ein viktig jobb. Det blir mindre hærverk i sentrum og færre uønskte episodar.
Kunne du tenke deg å bli med på nattevandring og skape eit tryggare lokalsamfunn for ungdommane våre?

Bli nattevandrar.

For meir informasjon, ta kontakt med:
Leiar for nattevandring: Sonja Olsen
E-post: flora@rodekors.org
Telefon: 90 95 54 54

Nattevandring: Meir informasjon

Gjennom Røde Kors Leksehjelp får skuleelevar gratis hjelp til skulearbeid etter skuletid.

Leksehjelp finst både som fysisk undervising og som eit digitalt tilbod. For meir informasjon om tilbodet i Florø, kontakt lokalforeininga ved:

Lokalforeiningsleiar Gunvor Fjellro
E-post: Flora@rodekors.org
Telefon: 90534044

Kunne du tenke deg å bli leksehjelpar?
Som leksehjelpar bidrar du til at fleire meistrar skulekvardagen! Du møter elevane i eit trygt miljø og legg til rette for at elevane skal oppleve meistring og motivasjon. Med leksehjelptilbodet ønskjer Røde Kors å bidra til at elevane kan ta den utdanninga og dei yrkesvala dei ønsker.
For å bli leksehjelpar melder du deg som frivillig i lokalforeininga di. Du vil då bli kontakta av lokalforeininga som gir deg meir informasjon.

Jeg vil bli leksehjelper.

Leksehjelp: Meir informasjon

Ny kultur, nytt språk og nye utfordringar. Dette er kvardagen for flyktningar som blir busette i Noreg. Ein flyktningguide kan gjere overgangen lettare. Florø Røde Kors flyktningguide koplar flyktningar som har fått opphald i området, med ein frivillig guide som kjenner lokalsamfunnet. Slik får nybusette flyktningar ein rettleiar og eit nettverk i sitt lokalmiljø.

Kvifor ikkje bli flyktningguide sjølv? Tenk at du kan bli kjent med ein annan kultur utan å reise!

Bli flyktningguide.

For meir informasjon, ta kontakt med:
Leiar, Florø Røde Kors omsorg: Saba Berhane
E-post: Flora@rodekors.org
Telefon: 47316763

Flyktningguide: Meir informasjon

Florø Røde Kors inviterer kvinner til ein sosial møteplass på dagtid kvar veke.

For meir informasjon, sjå vår Facebook-side, eller ta kontakt med:
Leiar, Florø Røde Kors omsorg: Saba Berhane
E-post: flora@rodekors.org
Telefon: 47316763

Til topps er eit arrangement der målet er intergrering gjennom opplevingar, samarbeid og meistring i vill, norsk natur.

Målgruppa for arrangementet er immigrantar i Sogn og Fjordane, det vil seie både asylsøkjarar, flyktningar og arbeidsinnvandrarar. Nedre aldersgrense er 10 år.

Vil du vere deltakar, frivillig lagleiar eller få med deg deltakarar frå ditt lokalmiljø? Kontakt din lokalforeining eller distriktskontoret.

Mange verksemder ser verdien av at dei tilsette har god kompetanse og gode ferdigheiter på livreddande førstehjelp når behovet oppstår.

Florø Røde Kors tilbyr derfor kurs i kvalifisert førstehjelp med eller utan DHLR (hjarte- og lungeredning med hjartestartar) for verksemder i området. Vi kan gjennomføre kurset i lokala til verksemda eller på Røde Kors-huset i Nonskarvegen.

For informasjon om prisar og tilgjengelegheit, ta kontakt med:
Hjelpekorpsleiar Tor Henning Korneliussen
E-post: flora@rodekors.org
Telefon: 94498253

På Røde Kors-huset i Nonskarvegen 1, finn du møterom og forsamlingslokale til feiring av bursdagar, dåp eller konfirmasjon.
Vi har dekketøy til ca. 45 personar og stor parkeringsplass rett utanfor.

Kurs-/forsamlingslokale 1. etasje.
Her har vi fasilitetar som kjøkken, ei eiga sittegruppe, projektor, lydanlegg, overhead og whiteboard.

Kurs-/forsamlingslokale 2. etasje.
Her finn du kjøkken, projektor, lydanlegg, overhead og whiteboard.

Prisar:
Fredag–søndag: 3000,–
Fredag–lørdag: 2000,–
Lørdag–søndag: 2000,–
Heil dag lørdag eller søndag: 1500,–
Ettermiddag/kveld kvardag: 800,–
Dagtid kvardag: 800,–

For regelmessig leige eller leige av andre mindre møterom / stove, ta kontakt for avtale og pris: flora@rodekors.org